Achos Enghreifftiol
Achos Enghreifftiol
Mae’r achos enghreifftiol hwn yn dangos yr hyn mae Sherman Cymru wedi’i gyflawni hyd yma gydag un o’n partneriaid busnes, Legal & General. Mae’n dangos cynhyrchu effeithiol, creadigrwydd arbennig ac enillion trawiadol yn nhermau busnes. Enillodd y bartneriaeth Wobr Partneriaeth Newydd Celf & Busnes am y prosiect hwn - arwydd o greadigrwydd a dyfeisgarwch y prosiect.
Legal & General & Sherman Cymru
“Mae hwn wedi bod yn gyfle unigryw i staff Legal & General ledled Caerdydd gael cyfle i ddatblygu eu sgiliau ysgrifennu creadigol eu hunain wrth ddysgu am waith Sgript Cymru ar yr un pryd.” - Lynne Sheehy, Rheolwr Cysylltiadau Cyhoeddus a Chyfathrebu.
"’Rwy’n sicr i’r cwrs fy ysbrydoli i, ac ‘roedd yn hawdd gweld fod pawb o’r un farn gan fod pawb wedi gweithio a chyfrannu’n effeithiol dros ben. " Un o weithwyr Legal & General
Galluogodd nawdd cychwynnol Legal & General i Sherman Cymru fedru comisiynu awdur ifanc newydd am y flwyddyn gyntaf. Bu i Bartneriaeth newydd Celf & Busnes gyfrannu’r un swm a nawdd Legal & General er mwyn ehangu’r bartneriaeth hon, gan alluogi i Sherman Cymru gynnig gweithdai ysgrifennu creadigol, a gynhaliwyd y tu allan i oriau gwaith, ar gyfer ugain o staff busnes swyddfa legal & General, Caerdydd.
Nôd Sherman Cymru oedd cynnig gweithdai ysgrifennu creadigol fyddai’n rhoi cyfle i gyfranogwyr roi cynnig ar rywbeth newydd a gwahanol, ac i ddatblygu eu sgiliau ysgrifennu. ‘Roeddynt hefyd yn awyddus i gryfhau’r berthynas newydd â Legal & General.
’Roedd y galw am y gweithdai’n uchel iawn, gyda nifer o weithwyr yn datgan diddordeb pe byddai’r prosiect yn cael ei gynnal eto. ‘Roedd gan yr aelodau’r staff a fynychodd y gweithdai brofiadau a chefndiroedd amrywiol mewn ysgrifennu, ond ‘roedd yr adborth o’r gweithdai, a’r gwaith a gyflawnwyd, yn hynod o gryf ac yn bositif, oedd yn dangos fod y gweithdai wedi eu hanelu’n dda ar gyfer y grwpiau. Teimlai’r gweithwyr fod y gweithdai’n werthfawr iawn, a’u cwyn unfrydol oedd bod y cwrs yn rhy fyr.
Gan fod nawdd Legal & General i Sherman Cymru yn fenter newydd ‘roedd y gweithdai ysgrifennu hefyd yn fuddiol drwy roi cyfle i’r cyfranogwyr ddarganfod mwy am waith y cwmni. Mae Sherman Cymru wrth ei fodd fod cynifer o’r cyfranogwyr yn datblygu eu sgiliau drwy ysgrifennu’n amlach, neu mewn rhai achosion, yn ymuno â chyrsiau ysgrifennu rhan amser er mwyn meithrin eu talent.
“Nid oeddwn wedi clywed am Sherman Cymru o’r blaen, ond mae gen i ddiddordeb pendant yn yr hyn maent yn ei wneud.”
Un o weithwyr Legal & General
Bron yn union wedi i’r gweithdai ddod i ben dechreuwyd trafod parhau â’r prosiect, sy’n adlewyrchiad ardderchog o lwyddiant y cynllun. Mae hwn wedi arwain at effeithiau hynod fuddiol i’r ddau bartner gan fod y prosiect cyntaf hwn wedi cryfhau’r bartneriaeth ac wedi gosod seiliau cadarn ar gyfer y dyfodol.
“Mae arnom angen mwy o weithgareddau/cyfleoedd wedi oriau gwaith, yn arbennig er mwyn cael help i ymlacio a lleddfu rhywfaint ar y pwysau. ‘Roedd yn braf cael defnyddio fy ymennydd mewn modd mwy creadigol, yn hytrach nag ateb cwestiynau’n fecanyddol mewn canolfan alwadau.”
Un o weithwyr Legal & General
Ers i’r prosiect cychwynnol hwn ddod i ben mae ychwaneg o weithdai ysgrifennu mwy trwyadl wedi eu cynnal ar gyfer aelodau staff Legal & General. Mae hyn wedi galluogi i rai o’r gweithwyr ddechrau eu cylch ysgrifennu eu hunain, ac i yrru dramâu i adran lenyddol Sherman Cymru fel dramodwyr cymwys. Mae Legal & General a Sherman Cymru wrth eu bodd gyda chanlyniadau’r fenter hon ac yn edrych ymlaen at brosiectau eraill yn y dyfodol.
Am wybodaeth bellach am ddatblygiad gwaith Sherman Cymru ac i ddarganfod sut gallwch chi gymryd rhan, cysylltwch ag Emma Goad, Pennaeth Datblygu.
