Drws Agored
Mae theatr Sherman Cymru yng Nghaerdydd wedi bod ar gau ers mis Chwefror 2010 er mwyn cwblhau gwaith adnewyddu sylweddol. Felly, er mwyn dathlu ail-agor y ddwy theatr, y cyntedd a’r caffi bar newydd, croesawgar, a’r holl welliannau ‘rydym wedi eu gwneud cefn llwyfan, ‘rydym am gynnal achlysur go arbennig.
Ymunwch â ni o 10yb, ddydd Sadwrn 4 Chwefror ar gyfer Drws Agored. Cewch eich tywys o amgylch y theatr, cynhelir gweithgareddau arbennig i'r teulu fydd yn amrywio o weithdai i sesiynau adrodd stori, a chewch gyfle i fynd i’r ardaloedd cefn llwyfan ac i’r gweithdy i weld y gwaith ailwampio fu yno. Bydd y caffi bar ar agor ac yn gweini diodydd a phrydau ysgafn, ac o 7yh cewch fwynhau cerddoriaeth fyw am ddim.
Dewch draw i’n helpu i ymgartrefu go iawn. A chofiwch ein cyflwyno i’ch teulu a’ch ffrindiau – yn enwedig rhywun sydd erioed wedi bod yma o’r blaen.
