Suor Angelica & L'Enfant et les Sortileges

Coleg Brenhinol Cerdd a Drama Cymru’n cyflwyno dwy opera un act gyffrous – rhaglen ddwbl sy’n cynnwys rhywbeth i blesio pawb.

Suor Angelica yw un o operâu harddaf a mwyaf cartrefol Puccini. Mae’n adrodd hanes trasig a theimladwy menyw sydd ag emosiynau grymus ganddi, ac sy’n cael ei gorfodi gan ei theulu i fyw bywyd sanctaidd a chysegredig.

Mae L’Enfant et les Sortilèges yn cynnwys rhywfaint o gerddoriaeth fwyaf hudolus Ravel. Mae’n adrodd stori plentyn drwg a direidus sy’n creu hafog yn ei ystafell, ac mae’n rhaid iddo wynebu’r canlyniadau mewn ffordd anghyffredin dros ben. Dwy opera wahanol iawn i’w gilydd gan ddau gyfansoddwr gwych.