Podlediadau

Mae ein awdur preswyl Gary Owen wedi gwahodd awduron o amrywiol gefndiroedd dros Gymru gyfan i rannu sgript fer aniwygiedig newydd sbon.

A Life in Splott gan Beatrice Gould
College Drop out gan Michael Regan

"Un o’r syniadau cyntaf ges i pan ofynnodd Sherman Cymru i mi ymuno â nhw fel awdur preswyl oedd y dylem gyflwyno cyfres o ddramâu clyweled byr, ac yna’u rhyddhau fel podlediadau yn rhad ac am ddim. ‘Ro’n i am roi cyfle i awduron greu gwaith newydd ac yna i glywed y gwaith hwnnw’n cael ei berfformio - oherwydd ‘rwy’n credu mai dyna sut mae awduron yn dysgu sut i ysgrifennu’n well.

Gellir cynnal cyfarfodydd di-ben-draw am ryw sgript neu’i gilydd, gan ddadlau a yw un foment benodol yn gweithio ai pheidio - ond yr eiliad ‘rydych yn clywed y sgript honno’n cael ei pherfformio, ‘rydych yn gwybod. ‘Ro’n i hefyd yn awyddus i gynnwys pobl na fyddent yn tybio fod ganddynt unrhyw beth i’w gynnig i theatr, nag yn tybio fod gan theatr unrhyw beth i’w gynnig iddyn nhw, a defnyddio deunydd o’u dyddiaduron neu eu blogiau neu eu bywydau fel sail i’r podlediadau. Pwy a Åµyr, efallai mai’r prosiect bychan hwn fydd yn galluogi i rai artistiaid gwych, sy’n arfer dweud eu stori ar gân neu mewn rhyddiaith, i gymryd y cam cyntaf tuag at gyflwyno’u gwaith mewn theatr, gan arwain efallai at enghreifftiau pellach o gyd-weithio yn y dyfodol? O safbwynt y gynulleidfa wedyn ‘ro’n i’n meddwl y byddai cyfres o bodlediadau’n ffordd hyfryd o gyrraedd pobl mewn modd gwbl uniongyrchol. 

‘Does dim rhaid talu am docyn, ‘does dim rhaid treulio noson gyfan mewn theatr, ‘does dim rhaid gyrru i leoliad. Ac efallai gewch chi hwyl, neu efallai byddwch yn rhoi’r gorau i wrando ar ôl hanner munud, neu efallai byddwch yn darganfod rhywbeth allai gyffwrdd eich calon gan newid y ffordd ‘rydych chi’n edrych ar y byd am byth."

A Life in Splott

Life in Splott by ShermanCymru

Gan Beatrice Gould 
Chynhyrchiad: Gareth Evans
Cast: Shekira Johnson

'A Life in Splott' - fe ddes i adnabod Jeff gan fod Sblot yn gyffredin i’r ddau ohonom; cafodd ef ei fagu yno, a ‘rydw innau’n byw yno. Soniodd Jeff fod ei fam, Beatrice, wedi byw yn yr un ty yn Sblot ar hyd ei hoes a’i bod wrthi’n ysgrifennu hanes ei bywyd. Mae’r darn hwn yn mynd â ni o enedigaeth Beatrice, drwy ei phlentyndod a’i phriodas, hyd at ddechrau’r Ail Ryfel Byd.

College Drop Out

College Drop Out by ShermanCymru

Gan Michael Regan
Chynhyrchiad: Gareth Evans
Cast: Gareth Aldon & Shekira Johnson

Darn Michael – fe gwrddais â Mike drwy Acting Out, un o grwpiau ieuenctid y Sherman, ble ‘roedd yn gweithio fel mentor. Mae’r darn hwn yn gyferbyniad hyfryd ag un Beatrice – tra bod 'A Life in Splott' yn adrodd hanes degawd neu ddwy mewn rhai munudau’n unig, mae’r hyn mae Michael wedi ei ysgrifennu yn sôn am brofiad sy’n gyffredin i bawb ohonom – y boen a’r ing ddaw yn sgil perthynas yn chwalu a ninnau’n ein harddegau.